انتقل إلى المحتوى

تكنولوجيا

عدل الوصلات
من ويكيبيديا، الموسوعه الحره
 تكنولوجيا
 

تعديل  طالع توثيق القالب

لنك عشوائى
تصانيف شوف كمان
مصطلحات | مهن
جهاز| جوايز
كل الليستات		 تكنولوجيا

تكنولوجيا (بالانجليزى: Technology) هو علم التطبيق, و اساسه هو استخدام الافكار المجرده و النظريات و نطبقهم بشكل عملى عشان نعمل بضايع او خدمات او اى حاجة تخدم حاجتنا, و بتساعد فى تحسين الاقتصاد و الانتاجيه و بالتالى حياتنا اليوميه, و برضو بتساعد فى تطوير العلوم بكل انواعها زى الهندسه و الرياضيات.[1]

اول مره استخدمنا فيها تكنولوجيا كان من قبل بداية التاريخ. و كانت استخدام النار و شوية ادوات بسيطه معموله من الطوب. التكنولوجيا فضلت تتطور و صنعنا العجلات فى العصر البرونزى الى ساعدنا نسافر مسافات ابعد و اننا نعمل مكن معقد اكتر. فى اختراعات احدث و غيرت شكل البشريه و سهلو التواصل زى ألة الطباعه و التليفون و النت.[2]

رغم كل مزايا التكنولوجيا, بس برضو فيها عيوب واضحه, زى التلوث و اهدار الطاقه و دا غير الاضرار الاجتماعيه زى البطاله اللى ممكن تزيد بسبب تطور التكنولوجيا لانها بتستبدل الناس اللى بتشتغل, و عشان كدا فى مناقشات فلسفية و سياسيه عن دور و طريقة استخدام التكنولوجيا عشان نفضل نستفيد بيها زى ما نقدر بس بأقل ضرر ممكن.[3]

التسميه

[تعديل]

كلمة تكنولوجيا هيا كلمه اجنبية اصلها يونانى و متكونه من جزئين, اول جزء هو تكنو (Techno) و معناه صنعه او حرفة, و الجزء التانى لوجيا (logia) و معناه علم او دراسه[4] و زمان كان معناها "طريقة عمل الحاجات" و المصطلح دا بدأ يظهر مع بدايات القرن ال17 و كان بيستخدم لوصف انشطه زي الهندسه المعماري.

فى العربى الفصحى. بيستخدمو كلمة "التِّقَانَةُ",[1] بس فى مصر ,و فى شوية دول عربيه غيرها, الناس بتستخدم كلمة تكنولوجيا زى ما هيا و دا بسبب ان من طبيعة اللغه المصريه انها بتستلف الكلمات التقنيه زى ما هيا من غير ما تغير فيها حاجه.

مع بداية القرن ال19, الأوروبيين بدأو يستخدمو مصطلحات زي Technik (الماني) او technique (فرنسي) كدلاله لـ"طريقة عمل الشئ" و كانت بتتقال على كل الفنون التطبيقيه, زي الرقص و الملاحه و الطباعه, بغض النظر كانو محتاجين ادوات او لا.[5] في الوقت دا, Technologie (الماني و فرنسي) إما كان بيشير للتخصص الاكاديمي اللي بيدرس "طرق الفن و الحِرَف", او التخصص السياسي اللي "بيشرع شغلانات الفنون و الحرف".[5] الفرق مابين المصطلحين, تكنيك و تكنولوجي, مش موجود في الانجليزي, و الاتنين بيتقال عليهم تكنولوجي (Technology). المصطلح كان نادر في الانجليزي و غالبا كانو بيستخدموه للتخصص الاكاديمي, زي في معهد ماساتشوستس للتكنولوجيا.[6]

في القرن ال20, كنتيجة للتقدم العلمي و الثوره الصناعيه التانيه, مصطلح تكنولوجي مبقاش تخصص اكاديمي بس و بقا له معنى جديد: استخدام المعرفه للوصول لنتايج.[5]

التطورات

[تعديل]

قبل التاريخ

[تعديل]
راس فاس حجري من قبل التاريخ

الانسان البدائي عمل الادوات الحجريه عن طريق الملاحظه و التجربه. الانسان اتعلم ازاي يعمل الادوات دي حوالي 2 مليون سنه من دلوقتي بإنه يخبط الحجر في بعض عشان يسنه و يشكله بالشكل اللي عايزه و يعمل الفاس الحجري. الطريقه دي اتطورت 75 الف سنة من دلوقتي و بقو بيستخدمو النحت الضغطي (الضغط بزوايا معينه و قوه معينه) عشان يعملو الادوات بدقه اعلى.[7]

صوره لشكل المستوقدات

تشارلز داروين وصف اكتشاف النار انه "غالبا اعظم اختراع للانسان."[8] علماء الاثار بيقولو ان البشر كانو بيستخدمو النار "بشكل مستمر" على الاقل حوالي 1.5 مليون سنه.[9] النار اللي مصدرها الخشب و الفحم العضوي ساعدت الانسان زمان انه يطبخ اكلهم عشان يسهلو هضمه, و دا خلّاهم يستفادو بالاكل اكتر و يزود انواع الاكل اللي ممكن يكلوها.[10] فرضية الطبخ بتقترح احتمالية ان تعلم الطبخ زود حجم الدماغ للبشر وقتها, بس في باحثين كتير مش مقتنعين بالأدله.[11] علماء الاثار لقو ادله على استخدام المستوقدات من 790 الف سنه. الباحثين مقتنعين ان دا غالبا ساعد في تكوين مجتمعات مٌنظمه اكتر, و بالتالي ساعد في تطور اللغات في المجتمعات دي.[12]

في برضو اختراعات تانيه اتعملت في فترة العصر الحجري القديم و منهم اللبس و المسكن.[13] مفيش اتفاق لسه مابين علماء الاثار على وقت ظهور الاختراعين دول, بس في ادله على وجود لبس مابين 90-120 الف سنه فاتو, و المسكن من 450 الف سنه.[13] مع تقدم الوقت في فترة العصر الحجري القديم, المساكن اتطورت. البشر بدأو يبنو اكواخ خشب من 380 الف سنة.[14] الهدوم كانت بتتعمل من فرو و جلود الحيوانات اللي كانو بيصطادوها, و دا ساعدهم انهم يروحو لاماكن برد اكتر, و الناس بدأت تهاجر من الاماكن الحر في افريقيا لاماكن ابرد في اوراسيا (اوروبا و اسيا).[15]

العصر الحجري الحديث

[تعديل]

ثورة العصر الحجري الحديث (او الثوره الزراعيه الاولى) سرَّعت الاختراع التكنولوجي و دا خلا شكل المجتمعات يتغير و يتطور.[16] اختراع الفاس الحجري المتصنفر (اللي معموله صنفره) كان تقدم كبير و ساعد في قطع الشجر بشكل اوسع و في الزراعه.[17] استخدام الفاس الحجري المتصنفر انتشر بشكل كبير في العصر الحجري الحديث, بس كان برضو بيُستخدم في العصر الحجري المتوسط في شوية مناطق زي ايرلاندا.[18] الزراعه وفرت اكل لعدد اكبر من الناس, و دا خلى الناس تستقر و ادى فرصه لتربية اطفال اكتر. الاطفال كانو يقدرو يساعدو في الزراعه بشكل مستمر مقارنه بانشطه تانيه زي الصيد او جمع الفاكهه.[19]

مع الزياده السكانيه و وجود عِماله كتير, بدا يظهر تخصصات في الشغل.[20] مش معروف ايه اللي سبب التحول من العيش في القرى لبداية وجود المدن, بس مع زيادة وجود انظمه اجتماعيه طبقيه و شغلانات متخصصه, و اللي كان سبب ان يحصل تجاره او حروب مع المجمعات اللي جمب بعض, و برضو احتياج حل مشكلات بيئيه زي الري, ممكن يكونو اسباب محتمله و كلهم ليهم دور في الموضوع دا.[21]

اختراع الكتابه كان سبب انتشار العلوم و الثقافات و المعرفه و بقا الاساس لحاجات كتير زي التاريخ, المكتبات, المدارس, و البحث العلمي.[22]

استمرار التطورات خلّانا نخترع المنفاخ و فرن الصهر, و دا خلّانا, و لاول مره, نقدر نسيَّح و نشكل معادن زي الدهب و النحاس و الفضه و الرصاص, و دول كانو معادن موجوده في صوره شِبه نقيه في الطبيعه (بيتقال عليهم فلزات طبيعيه).[23] الادوات النحاس كانت مليانه مميزات كتير لو جينا نقارنها بالادوات اللي معموله من حجر او عضم او خشب و دا كان معروف من زمان للناس, و النحاس شِبه النقي كانو بيستخدموه من بدايات العصر الحجري الحديث (حوالي 10 الاف سنه فاتت). النحاس شِبه النقي مش بيبقى متوفر بكميات كبيره, بس خامات النحاس (النحاس اللي فيه شوايب) كان منتشر شويه و معظمهم ممكن يتعمل بيه معادن بسهوله لما بيتحرق في الخشب او الفحم العضوي. مع الوقت, الشغل مع المعادن خلّانا نكتشف السبايك (ميكس معدنين او اكتر مع بعض) زي البرونز و النحاس الاصفر, و دا كان حوالي 4 الاف سنه قبل الميلاد. اول استخدام لسبايك الحديد زي الحديد الصلب كان حوالي 1800 سنه قبل الميلاد.[24]

القديم

[تعديل]
سفينة خوفو

بعد استخدام النار, البشر اكتشفو انواع تانيه من الطاقه. اول استخدام لطاقه الرياح كان في الفلوكه (السفن الشراعيه), و اول حاله متسجله لفلوكه كانت في نهر النيل حوالي 7 الاف سنه قبل الميلاد. في فترات ما قبل التاريخ, المصريين غالبا استخدمو فيضان النيل السنوي عشان ري الاراضي الزراعيه, و مع الوقت اتعلمو ازاي يتحكمو في معظم المايه الجايه عن طريق انهم يبنو قنوات ري و تِرع عشان يخزنو المايه.[25] السومريين و اهل منطقة مابين النهرين استخدمو انظمه معقده من من القنوات و السدود عشان يوجهو المايه الجايه من نهرين الدجله و الفرات لري الاراضي الزراعيه.[26]

اقدم عجله في التاريخ تم اكتشافها في تاريخ لحد سنة 2024

علماء الاثار بيقدرو ان العجله تم اختراعها بشكل منفصل و متوازي في بلاد مابين النهرين (العراق زمان), و في منطقة القوقاز الشمالي (حضارة مايكوب), و اوروبا الوسطى.[27] الفتره الزمنيه كانت مابين 5,500 لـ3,000 قبل الميلاد و معظم الخبرا بيقربوها لـ4,000 قبل الميلاد.[28] اقدم تحفه فيها رسمه بتصور العربيات اللي بعجلات بترجع لسنة 3,500 قبل الميلاد.[29] من وقت قريب, اقدم عجله خشب معروفه في سنة 2024 لاقوها في مستنقع ليوبليانا في سلوفينيا. خبراء نمساويين قالو ان عمْر العجله مابين 5,100 لـ5,350 سنه.[30]

اختراع العجله غير شكل التجاره و الحرب. الناس عرفت على طول انها تقدر تستخدم العربيات الحنطور عشان تنقل اوزان و حمولات تقيله. السوماريين القديمين استخدمو عجلة الفخار و ممكن يكونو اللي اخترعوها.[31] عجله فخار من الطوب اتلاقت في مدينة اور و بترجع لسنة 3,429 قبل الميلاد,[32] و حتى كان اتلاقى اجزاء من الفخار موجود في نفس المنطقه.[32] عجل الفخار السريع سمح لانتاج الفخار بشكل واسع, بس استخدام العجله لنقل الطاقه (عن طريق عجل المايه, توربينات الهوا, و حتى الجرايات) هو اللي غير شكل استخدام مصادر الطاقه غير البشريه. اول عربيات حنطور بعجلتين اتأصلو من ترافوا[33] و تم استخدامهم لاول مره في بلاد مابين النهرين و ايران حوالي سنة 3,000 قبل الميلاد.[33]

التأثير

[تعديل]

تقدم التكنولوجيا هو اهم عامل من عوامل تقدم الاقتصاد على المدى الطويل.[34] على مدار التاريخ, انتاج الطاقة كان اكبر عائق للتقدم الاقتصادى و تقدم التكنولوجيا خلانا نزود كمية الطاقه المتاحه. اول اختراع كان النار, و النار ساعدتنا نطبخ الاكل, و برضو ساعدتنا نصهر و ندوب المعادن و دا خلانا نستخدم معادن كتير زى القصدير و النحاس و الحديد و نعمل منهم ادوات للصيد او الصناعه عموما. بعدين جت الثوره الزراعيه و الناس مبقتش محتاجه تصطاد عشان تاكل و الكل تمركز فى القرى و المدن و بقا فى مجتمعات و حضارات مختلفه زى الحضاره المصريه القديمه و حضارة مابين النهرين.[35]

مصادر

[تعديل]
  1. 1 2 Munīr al-؛ Baʿlabakkī، Ramzī Munīr (2008). al-Maurid al-ḥadīṯ: qāmūs inklīzī - ʿarabī ḥadīṯ: a modern English - Arabic dictionary = al-Mawrid al-Hadeeth (ط. aṭ-Ṭabʿa 1). Bairūt: Dār al-ʿIlm li-l-Malāyīn. ISBN:978-9953-63-541-5. {{استشهاد بكتاب}}: عمود مفقود في: |title= (مساعدة)
  2. ↑ "Our earliest technology". smarthistory.org. 2 سبتمبر 2022. مؤرشف من الأصل في 2022-09-02. اطلع عليه بتاريخ 2026-03-24. {{استشهاد ويب}}: تجاهل المحلل الوسيط |تاريخ_الوصول= لأنه غير معروف (مساعدة)
  3. ↑ Ruth، F. (2012). Encyclopedia of applied ethics (ط. 2). London: Academic Press. ISBN:978-0-12-373932-2.
  4. ↑ Charlton Thomas (2010). An elementary Latin dictionary: with brief helps for Latin readers (ط. Nachdr. der Ausg. 1891). Oxford: Oxford Univ. Press. ISBN:978-0-19-910205-1.
  5. 1 2 3 "Correction". History and Technology. ج. 40 ع. 4. 2024-10. DOI:10.1080/07341512.2025.2495380. ISSN:0734-1512. {{استشهاد بدورية محكمة}}: تحقق من التاريخ في: |date= (مساعدة)
  6. ↑ "V. Appendix". Technology and Culture. ج. 14 ع. 2: S184. 1973-04. DOI:10.2307/3102650. ISSN:0040-165X. {{استشهاد بدورية محكمة}}: تحقق من التاريخ في: |date= (مساعدة)
  7. ↑ Minogue، Kristen (2010-10-28). "Stone Age Toolmakers Surprisingly Sophisticated". science.org. science.org. اطلع عليه بتاريخ 2026-4-30. {{استشهاد ويب}}: تحقق من التاريخ في: |accessdate= (مساعدة)
  8. ↑ Thomas (2002). A brief history of science: as seen through the development of scientific instruments. London: Robinson. ISBN:978-1-84119-235-2.
  9. ↑ "Abbreviations". Azania: Archaeological Research in Africa. ج. 14 ع. 1: vi–vi. 1979-01. DOI:10.1080/00672707909511257. ISSN:0067-270X. {{استشهاد بدورية محكمة}}: تحقق من التاريخ في: |date= (مساعدة)
  10. ↑ Stahl, Ann Brower; Dunbar, R. I. M.; Homewood, Katherine; Ikawa-Smith, Fumiko; Kortlandt, Adriaan; McGrew, W. C.; Milton, Katharine; Paterson, J. D.; Poirier, F. E. (1984-04). "Hominid Dietary Selection Before Fire [and Comments and Reply]". Current Anthropology (بالإنجليزية). 25 (2): 151–168. DOI:10.1086/203106. ISSN:0011-3204. {{استشهاد بدورية محكمة}}: تحقق من التاريخ في: |date= (help)
  11. ↑ Wrangham, Richard (1 Aug 2017). "Control of Fire in the Paleolithic: Evaluating the Cooking Hypothesis". Current Anthropology (بالإنجليزية). 58 (S16): S303–S313. DOI:10.1086/692113. ISSN:0011-3204.
  12. ↑ Robin Ian MacDonald؛ Gamble، Clive؛ Gowlett، John A. J. (2014). Lucy to language: the benchmark papers (ط. First edition). Oxford New York: Oxford University Press. ISBN:978-0-19-965259-4. {{استشهاد بكتاب}}: |طبعة= يحوي نصًّا زائدًا (مساعدة)
  13. 1 2 Shaar, Ron; Matmon, Ari; Horwitz, Liora K.; Ebert, Yael; Chazan, Michael; Arnold, M.; Aumaître, G.; Bourlès, D.; Keddadouche, K. (2021-05). "Magnetostratigraphy and cosmogenic dating of Wonderwerk Cave: New constraints for the chronology of the South African Earlier Stone Age". Quaternary Science Reviews (بالإنجليزية). 259: 106907. DOI:10.1016/j.quascirev.2021.106907. {{استشهاد بدورية محكمة}}: تحقق من التاريخ في: |date= (help)
  14. ↑ Henry, Donald O. (1985-09). "Archeology: Terra Amata and the Middle Pleistocene Archaeological Record of Southern France". American Anthropologist (بالإنجليزية). 87 (3): 730–731. DOI:10.1525/aa.1985.87.3.02a00700. ISSN:0002-7294. {{استشهاد بدورية محكمة}}: تحقق من التاريخ في: |date= (help)
  15. ↑ Harvati, Katerina; Röding, Carolin; Bosman, Abel M.; Karakostis, Fotios A.; Grün, Rainer; Stringer, Chris; Karkanas, Panagiotis; Thompson, Nicholas C.; Koutoulidis, Vassilis (2019-07). "Apidima Cave fossils provide earliest evidence of Homo sapiens in Eurasia". Nature (بالإنجليزية). 571 (7766): 500–504. DOI:10.1038/s41586-019-1376-z. ISSN:1476-4687. {{استشهاد بدورية محكمة}}: تحقق من التاريخ في: |date= (help)
  16. ↑ Ian (2002). Life in Neolithic Farming Communities: Social Organization, Identity, and Differentiation. Fundamental Issues in Archaeology. Boston, MA: Kluwer Academic Publishers. ISBN:978-0-306-47166-7.
  17. ↑ Coghlan، H. H. (1943). "The Evolution of the Axe from Prehistoric to Roman Times". The Journal of the Royal Anthropological Institute of Great Britain and Ireland. ج. 73 ع. 1/2: 27. DOI:10.2307/2844356.
  18. ↑ Driscoll، Killian (2006). "The early prehistory in the west of ireland: Investigations into the social archeology of the Mesolithic".
  19. ↑ Sussman, Robert W.; Hall, Roberta L. (1972-04). "Addendum: Child Transport, Family Size, and Increase in Human Population During the Neolithic". Current Anthropology (بالإنجليزية). 13 (2): 258–267. DOI:10.1086/201274. ISSN:0011-3204. {{استشهاد بدورية محكمة}}: تحقق من التاريخ في: |date= (help)
  20. ↑ Gary P. (2006). Cultural anthropology: an applied perspective (ط. 7th ed). Belmont (Calif.): Thomson Wadsworth. ISBN:978-0-495-03039-3. {{استشهاد بكتاب}}: |طبعة= يحوي نصًّا زائدًا (مساعدة)
  21. ↑ Gordon M. (1990). The ESSENTIALS of ancient history: 4,500 BC to 500 AD, the emergence of western civilization. Piscataway, N.J: Research and Education Association. ISBN:978-0-87891-704-4.
  22. ↑ Jack Goody، Jack (1986). The logic of writing and the organization of society. Cambridge University Press. ISBN:9780511621598. {{استشهاد بكتاب}}: تحقق من التاريخ في: |سنة= و|سنة= لا يطابق |تاريخ= (مساعدة)
  23. ↑ Thompson, F. C. (1964-07). "A Short History of Metals". Nature (بالإنجليزية). 203 (4943): 337–337. DOI:10.1038/203337a0. ISSN:1476-4687. {{استشهاد بدورية محكمة}}: تحقق من التاريخ في: |date= (help)
  24. ↑ "Ironware piece unearthed from Turkey found to be oldest steel". The Hindu. مؤرشف من الأصل في 2009-03-29. اطلع عليه بتاريخ 2026-05-12.{{استشهاد ويب}}: صيانة الاستشهاد: BOT: original URL status unknown (link)
  25. ↑ Sandra (1999). Pillar of sand: can the irrigation miracle last?. Environmental alert series (ط. 1st ed). New York: W.W. Norton & Co. ISBN:978-0-393-31937-8. {{استشهاد بكتاب}}: |طبعة= يحوي نصًّا زائدًا (مساعدة)
  26. ↑ The Sumerian world. The Routledge worlds. London New York: Routledge. 2013. ISBN:978-0-415-56967-5.
  27. ↑ D. T., ed. (14 Apr 2012). A Companion to the Archaeology of the Ancient Near East (بالإنجليزية) (1 ed.). Wiley. DOI:10.1002/9781444360790. ISBN:978-1-4051-8988-0.
  28. ↑ V. Gordon (24 Oct 2014). New Light on the Most Ancient East (بالإنجليزية) (0 ed.). Routledge. DOI:10.4324/9781315748559. ISBN:978-1-317-60642-0.
  29. ↑ David W. (2007). The horse, the wheel, and language: how bronze-age riders from the Eurasian steppes shaped the modern world. Princeton, N.J: Princeton University Press. ISBN:978-0-691-05887-0.
  30. ↑ "WORLD'S OLDEST WHEEL FOUND IN SLOVENIA". مارس 2003. مؤرشف من الأصل في 2016-08-26. اطلع عليه بتاريخ 2016-08-26.{{استشهاد ويب}}: صيانة الاستشهاد: BOT: original URL status unknown (link)
  31. ↑ Samuel Noah (1995). The Sumerians: their history, culture, and character (ط. 12. [pr.]). Chicago: The Univ. of Chicago Press. ISBN:978-0-226-45238-8.
  32. 1 2 P. R. S. (1999). Ancient Mesopotamian materials and industries: the archaeological evidence (ط. Repr). Winona Lake, Ind: Eisenbrauns. ISBN:978-1-57506-042-2.
  33. 1 2 Volti، Rudi (1994). "Review of Ways of the World: A History of the World's Roads and of the Vehicles That Used Them". Technology and Culture. ج. 35 ع. 3: 608–609. DOI:10.2307/3106271. ISSN:0040-165X.
  34. ↑ The Review of Economics and Statistics. ج. 79 ع. 2: 348–352. 1 مايو 1997. DOI:10.1162/003465397556746. ISSN:1530-9142 https://doi.org/10.1162/003465397556746. {{استشهاد بدورية محكمة}}: الوسيط |title= غير موجود أو فارغ (مساعدة)
  35. ↑ Wrigley, E. A (13 Mar 2013). "Energy and the English Industrial Revolution". Philosophical Transactions of the Royal Society A: Mathematical, Physical and Engineering Sciences (بالإنجليزية). 371 (1986): 20110568. DOI:10.1098/rsta.2011.0568. ISSN:1364-503X.

لم يتم العثور على روابط لمواقع التواصل الاجتماعي.

اتجابت من "https://arz.wikipedia.org/w/index.php?title=تكنولوجيا&oldid=13063032"